health care

Damtheina :

Israel gama cheng jouse hi, National Health Insurance Daan dungjuiya, mijouse hi damtheina dinglam ngaikhohna jala insurance apieh suohkei diu ahi. Hiche sum hi Bituach Leumi (Nation Insurance Institute) te koma sum kipesoh kei ahi. Pemthah (Oleh Khadash) hon hiche sum hi aliyah abolniu apat kum 1 sung free hiding ahi.

Damtheina ding plan 4 aumin, mijouse adeidei akilhen thei ahi. Hiche hochu ahileh Clalit, Leumit, Maccabi leh Meukhedet ahi. Hiche tohgon jatchuom hohi anatoh u akibang in, hinlah mi chenna mun chomchom ahidungjuiyin, anatoh'u achomkit in ahi. Doctor hon avil dingham, ahilouleh amuna ajenden ding ham etc ho ahi. Plan chomcheh aneijeh uvin, anatoh uvin ahophah naujong ajatchuome.

Israel nahunglhun jou lha 12 jou leh manbeiya nakijentheina chu hungbei ding ahitai.

  1. Na natohtah'a ahileh, Bituach Leumi ten na salary akuona lhaseh leh Health insurance ahinkah pan diu ahitai. Asumjat chu ahileh mijouse'a akibangpoi, nasum sanjat jakhat lah'a 3%-5% akahdiu ahi.
  2. Na natohloulaiya ahileh, Bituach Leumi te sum nagapeh pat angaitai. Alhangpi in pilhing (kum 17 apat chunglam) nahia ahileh 150 shekel lhaseh'a napieh ding ahi. Pension hon lhaseh'a 160 shekel apeh diu ahi. Natong lou nahijeh in lhaseh leh Bituach office a soi nakaiya sum nagapeh angaiye.
Damdoi nejing nahi ahileh, na damdoi neh chu Israel'a damdoi hotoh kitohlou maithei ahijeh in, aliyah nabol teng lhathum nehding damdoi hinkipoh in. Nachenna muna um Clinic hokomah dammonalang'a kivendohtheina ding lampi nakidoh toh masat angaiye.